Moien!🐾  Ech sinn d’Julie, hunn 18 Joer an ech hunn eng grouss Passioun fir Hënn an Déierebetreiung. Och wann ech net mat Hënn opgewuess sinn, hunn ech vill praktesch Erfarung: Ech volontéieren am Déiereasyl zu Gasperich a war Betreiungskand an enger Hondsschoul. Do hunn ech gehollef, dem Hond vu menger Tata Training ze ginn, an hien ass dono souguer Betreiungshond fir Kanner ginn, eng Erfarung déi mech ganz motivéiert huet, weider mat Hënn ze schaffen.

Ech bidden Honds-Spadséiergäng a Betreiung doheem un. Dat heescht: Ech komme gär och bei Iech heem, fir Ären Hond ze fidderen, mat him ze spillen oder hien a senger vertrauter Ëmwelt ze versuergen. All Walk an all Betreiung ginn un d’Bedierfnisser, den Energie-Level an de Charakter vum Hond ugepasst. Léift, Gedold a Sécherheet stinn dobäi bei mir ëmmer am Mëttelpunkt. Ech weess, wéi wichteg Hausdéieren fir hir Besëtzer sinn, an ech behandelen all Déier sou wéi wann et mäin Eegent wier.

Fir eng gesond Ëmwelt fir all Déier ze garantéieren, huelen ech just geimpft Hënn. Ech sinn zouverlässeg, opmierksam a mat ganzem Häerz dobäi, fir datt Äre pelzege Frënd sech wuel a gutt versuergt fillt.

Fir Fudder, Spillsaachen a vill Streicheleenheete sinn natierlech gesuergt!🥏

Disponibilitéit:

👩🏼🎓Well ech Studentin sinn, sinn ech meeschtens vu Méindes bis Freides nomëttes verfügbar a Weekends emmer, awer ganz zouverlässeg a mat vill Opmierksamkeet fir Ären Hond.

Gitt mir w.e.g. Bescheed, wann Ären Hond speziell Besoinen oder Verhalensschwieregkeeten huet an och, wéi eng Leckerlien him am beschte gefalen.

Wann Dir no enger zuverlässeger, verantwortungsvoller an häerzlecher Persoun sicht, déi sech immens géif freeën sech ëm Äre pelzege Frënd ze këmmeren an méi Erfahrung ze sammelen da géif ech mech freeën, Iech ze hëllefen! 🐾💛